سلمان کی سابقہ بھابی کو ڈیٹ کر رہے ہیں ارجن کپور؟

ملائکہ اروڑہ اور ارجن کپور کا نام ایک بار پھر خبروں میں ہے۔ گزشتہ دنوں کافی وقت سے ان کے افیئر کی خبریں آ رہی تھی۔ اب ایک بار پھر یہ دونوں اسٹارس اپنے رشتہ کو لے کر خبروں میں ہیں۔

جس طرح کی تصاویر سا منے آرہی ہیں۔ اس کو دیکھ کر لگتا ہے کہ ملائکہ اور ارجن جلد اپنے رشتہ کا اعلان کر سکتے ہیں۔ ایسا اسلئے کہا جا رہا ہے کہ کیوں کہ ابھی کچھ دنوں پہلے ہی ملان ایئرپورٹ سے ان کی تصویر سامنے آئی ہے۔ اس تصویر میں دونوں ہاتھ میں ہاتھ لئے نظر آرہے ہیں۔ اس کے بعد جب یہ واپس آئے تو ممبئی ایئرپورٹ پر بھی ساتھ دکھے۔

صرف تصاویر ہی نہیں ملائکہ نے نیشنل ٹی وی پر ایسا درعمل دیا تھا کہ اس سے سب واضح ہو چکا ہے۔ دراصل کرن نے ملائکہ کو ’انڈیاز گاٹ ٹیلینٹ‘ کے سیٹ پر بات چیت کے دوران ان کی برتھ ڈے ٹریپ کے بارے میں پوچھا ۔ کرن نے پوچھا، آپ اٹلی گئی تھیں؟ کرن کے اس سوال پر ملائکہ کے چہرہ پر الگ ہی ایکسپریشن تھے۔ ملائکہ نے جواب میں کہا، اس سوال کو مزید دلچسپ بنا رہنے دیں‘۔