اناؤ : سڑک حادثہ میں دو افراد کی موت

اناؤ: اترپردیش میں اناؤ کے بانگرمئو علاقے میں لکھنؤ -آگرہ ایکسپریس وے پر ایک تیز رفتار ٹرک کے سڑک پر کھڑے ٹریلر سے ٹکرا جانے سے دو افراد کی موت ہو گئی۔

پولیس کے مطابق فیض آباد کے ٹیڑي بازار کٹرا رہائشی ٹرک ڈرائیور فخرعالم (50) اور کلینر ریاض احمد (35) جمعہ کی شب قنوج سے آلو کے بیج لے کر آ رہے تھے ۔ اس دوران اناؤ کے بانگرمئو علاقے میں ٹرک سڑک کے کنارے کھڑے ایک ٹریلر سے جا ٹکرایا۔
اس حادثہ میں ٹرک ڈرائیور اور کلینر کی موقع پر ہی موت ہو گئی۔ لاشوں کو پوسٹ کے لئے بھیج دیا گیا ہے ۔