کاجول اور اجے دیوگن کرن جوہر کے شو کے مہمان ہوں گے

ممبئی: بالی وڈ اداکار اجے دیوگن اور ان کی ادکارہ اہلیہ کاجول کی کرن جوہر کے ٹاک شو کافی وتھ کرن میں شرکت کرنے کی خبریں ہیں۔

اجے اور کرن کے درمیان ناراضگی کے سبب کاجول نے اپنے شوہر کا ساتھ دینے کے لئے کرن سے اپنی پرانی دوستی ختم کردی تھی۔ حال ہی میں فلم کچھ کچھ ہوتا ہے کے 20 سال مکمل ہونے پر ایک ایونٹ پر کاجول اور کرن خوشگوار انداز میں بات چیت کرتے نظر آئے تھے ۔ کاجول نے کافی وتھ کرن کے اس سیزیز میں شرکت کرنے کے لئے پہلے ہی رضامندی دے دی تھی اور اب خبریں ہیں کہ کاجول کے ہمراہ اجے نے بھی اس شو کا حصہ بننے کی منظوری دے دی ہے ۔
بتایا جارہا ہے کہ اجے اور کاجول دیوالی کے بعد کرن کا شو شوٹ کریں گے ۔ اس شو کی تیاریاں شروع ہوگئی ہیں۔ کاجول کرن کے شو میں کئی بار آچکی ہیں لیکن اجے دیوگن صرف ایک بار سال 2011 میں کافی وتھ کرن کے تیسرے سیزن میں شریک ہوئے تھے ۔