سڑک حادثے میں پانچ عقیدت مندوں کی موت

للت پور: اترپردیش للت پور کے شہر کوتوالی علاقے میں جمعہ کو عقید مندوں سے بھری ایک پک اپ گاڑی کے پلٹ جانے سے پانچ لوگوں کی موت ہوگئی اور دیگر 32 زخمی ہیں۔

اڈیشنل پولیس سپرنٹنڈنٹ اودھیش کمار نے دیوالی کے تیوہار پر کچھ عقیدت مند ایک پک اپ گاڑی پر سوار ہوکر اورچھا دھام سے لوٹ رہے تھے ۔ اس درمیان شہر کوتوالی علاقے میں ایک گائے کو بچانے کی کوشش میں تیز رفتار گاڑی پلٹ گئی جس میں پانچ لوگوں کی موقع پر ہی موت ہوگئی اور دیگر 32 زخمی ہوگئے ۔انہوں نے بتایا کہ زخمیوں میں دس کی حالت کافی نازک ہے ۔ شدید طور سے زخمیوں کو جھانسی میڈیکل کالج ریفر کردیا گیا ہے ۔