جنوبی لندن کے ایک بس اسٹاپ پر دھماکے ہونے اور آگ

پولیس نے بتایا ہے کہ جنوبی لندن کے بس اسٹاپ پر جمعرات کے روز آگ لگ گئی تاہم فائر بریگیڈ کے عملے نے آگ پر قابو پا لیا۔ علاقے کے لوگوں کا کہنا ہے کہ انہوں نے آگ لگنے کے بعد دھماکوں کی آوازیں بھی سنیں۔

کہا جا رہا ہے کہ آگ لگنے کے نتیجے میں گیارہ بسیں جل کر خاکستر ہو گئیں۔ واقعے کی وجوہات کے بارے میں تاحال پولیس یا سرکاری سطح پر کوئی بیان جاری نہیں کیا گیا۔
اس سے پہلے بدھ کے روز پولیس نے جنوبی لندن کے ایک فلیٹ سے دو دستی بم بھی برآمد کیے تھے جنہیں فوری طور پر ناکارہ بنا دیا گیا تھا۔