مراد آباد میں دو سگی بہنوں کا قتل

مرادآباد: اترپردیش کے ضلع مرادآباد کے کافی مشغول علاقہ مغل پورہ میں دو سگی بہنوں کے قتل سے سنسی پھیل گئی۔پولیس ذرائع نے سنیچر کو یہاں بتایا کہ مغل پورہ علاقے کے مندی چوک کے گجراتی محلے میں دو سگی بہنیں کسوم اگروال(65) اور راج رانی اگروال(60) اپنے آبائی مکان میں گذشتہ کئی سالوں سے رہ رہی تھیں۔

ان کی لاش صبح الگ الگ کمروں میں فرش پر پڑی ملی اور گھرکی الماریاں کھلی ہوئی تھیں۔ انہوں نے بتایا کہ پہلی نظر میں یہ لوٹ کے بعد قتل کا معاملہ معلوم ہوتا ہے ۔
انہوں نے بتایا کہ مکان کے نچلی منزل پررہنے والے خاندان کی ایک خاتون نے پولیس کو اس کی اطلاع دی۔ پولیس کے سینئر افسران نے موقع پر پہنچے ملزموں کو جلد سے جلد گرفتار کرنے کی ہدایت دی ہے ۔ موقع پرفورنسک ٹیم بھی پہنچ گئی ہے ۔ لاش کو پوسٹ مارٹم کے لئے بھیج دیا گیا ہے ۔ پولیس معاملے کی چھان بین کر رہی ہے ۔