سری لنکا نے بنگلہ دیش پر کسا شکنجہ

چٹاگانگ۔ سنگاکاراایک سو پانچ اور چنڈی مل سو کی شاندار اننگ کی بدولت سری لنکانے بنگلہ دیش کے خلاف دوسرے کرکٹ ٹسٹ کے چوتھے دن آج اپنی اننگ چار وکٹ پر تین سو پانچ رن بنا کر ختم کرنے کا اعلان کیا۔ اور میزبان ٹیم کو جیت کیلئے چار سو سرسٹھ رنوں کا ہمالیائی اسکور دیا۔ سری لنکا کی پہلی اننگ میں پانچ سو ستاسی رنوں کے جواب میں بنگلہ دیش کی ٹیم چار سو چھبیس رن پر سمٹ گئی ۔ اس طرح سری لنکا کو ایک سواکسٹھ رن کی سبقت حاصل کرنے کے بعد دوسری اننگ میں بھی شاندار مظاہرہ کرتے ہوئے سنگاکارا نے اور چنڈی مل نے سنچریاں بنائیں۔ دن کا کھیل ختم ہونے تک بنگلہ دیش نے بغیر کوئی وکٹ کھوئے بارہ رن بنا لئے تھے۔بنگلہ دیش کو جیت کیلئے ٹسٹ کے آخری دن چار سو پچپن رنوںکی ضرورت ہے۔