پاکستان: پشاور میں بم دھماکہ، 6 افراد زخمی

پاکستان میں پشاور کے کالا باڑی بازار میں ہفتہ کو کار بم دھماکے میں کم از کم 6 افراد زخمی ہو گئے۔

زخمیوں میں دو خواتین بھی شامل ہیں۔ دھماکے میں زخمی ہونے والوں کی شناخت ابراہیم ولد بدی گل، محمد فاروق ولد دین محمد، رحمت گل ولد بادام، عمیر ولد پرویز، مختیارہ بی بی ولد جمیل اور رابعہ ولد فرانسس کے نام سے ہوئی ہے۔ دھماکے میں زخمی ہونے والے افراد کو ایل آر ایچ منتقل کیا گیا جبکہ تین کو کینٹ جنرل اسپتال سے ریفر کیا گیا ہے۔ تمام زخمیوں کی حالت خطرے سے باہر ہے۔

ابتدائی اطلاعات کے مطابق گاڑی کے قریب دھماکہ ہوا ہے جبکہ دھماکے میں بارودی مواد استعمال ہواہے۔ ایس پی کینٹ وسیم ریاض کے مطابق دھماکے کی نوعیت کے بارے میں ابھی کچھ نہیں بتا سکتے تاہم بی ڈی یو ٹیم شواہد اکھٹے کررہی ہے۔