زرین خان کا بدتمیزی کرنے والے نوجوان کو کرارا تھپڑ

بولی وڈ بولڈ اداکارہ زرین خان نے ایک ایونٹ کے دوران مداح کو اپنے ساتھ بدتمیزی کرنے پر تھپڑ لگادیے۔میڈیا رپورٹس کے مطابق اداکارہ بھارتی شہر اورنگ آباد میں ایک اسٹور کی لانچ کے لیے پہنچی تھیں۔

اس دوران اپنی گاڑی تک واپس جانے کا رستہ ان کے لیے خاصہ دشوار ثابت ہوگیا، کیوں کہ ہزاروں کی تعداد میں مداحوں نے اداکارہ کو گھیر لیا تھا۔

رپورٹ میں مزید بتایا گیا کہ زرین خان کو اس دوران ایک نوجوان نے ہاتھ لگانے کی کوشش بھی کی، جس کے بعد اداکارہ نے اس پر تھپڑوں کی بارش کردی۔

واقع کی ویڈیو بھی سوشل میڈیا پر خوب وائرل ہوئی۔

اس واقع کے حوالے سے اداکارہ کا کہنا تھا کہ ’کبھی کبھار ہمیں معاملات کو اپنے ہاتھوں میں لینا ضروری ہوجاتا ہے، پھر کچھ اور سوچا نہیں جاسکتا۔

https://www.instagram.com/p/BsfTb9JgfHx/?utm_source=ig_embed&utm_campaign=embed_video_watch_again

اداکار کا کہنا تھا کہ ایک خاتون ہونے کی حیثیت سے میں نے ہمیشہ یہی سوچا ہے کہ جو بھی مجھے ہراساں کرنے کی کوشش بھی کرے گا تو میں اسے وہیں سبق سکھا دوں گی۔

زرین خان نے کہا کہ میں ایک اداکارہ ہوں اس کا یہ مطلب نہیں کہ کوئی بھی مجھے ہاتھ لگا سکتا ہے، کسی کو حق نہیں کہ وہ مجھے نامناسب انداز میں ہاتھ لگائے، میں ایک عورت ہوں، اور ہر عورت کو یہ حق ہے کہ وہ اپنی مرضی سے زندگی گزارے اور کام کرسکے‘۔

یہ بھی پڑھیں: زرین خان ہر رات ایک ہارر فلم دیکھتی ہیں

یاد رہے کہ گزشتہ سال زرین خان اس وقت مشکل کا شکار ہوئی تھیں، جب ایک موٹر سائیکل سوار شخص کا انتقال ان کی گاڑی سے ٹکرانے کے باعث ہوگیا تھا۔

اداکار نے سلمان خان کی فلم ’یوراج‘ کے ساتھ بولی وڈ میں ڈیبیو کیا، وہ ہیٹ اسٹوری 3 اور ہاؤس فلم جیسی فلموں میں کام کرچکی ہیں۔