یوپی میں کہرے کی وجہ سے ٹریکٹر الٹ گیا، تین ہلاک

سدھارتھ نگر: کل رات کہرے کی وجہ سے ضلع کے ڈومریا گنج علاقہ میں ایک ٹریکٹر پلٹ گیا جس سے تین کسان ہلاک ہوگئے۔پولیس ذرائع نے آج یہاں بتایا کہ سونکھیر گاؤں کے تین کاشتکار رات کے وقت کہیں جارہے تھے کہ گہری دھند کی وجہ سے دھنور پل کے نزدیک ان کا ٹریکٹر الٹ گیا۔مرنے والوں کے نام اودے راج، بدھائی اور واسو دیوبتائے گئے ہیں۔حادثہ کے بعد ٹریکٹر کا ڈرائیور فرار ہوگیا۔