ڈھائی کروڑلے کر آئٹم نمبرکریں گی سوناکشی

ممبئی(ایجنسی) بالی وڈ کی کئی ہیروئینوں کو فلم میں کام کرنے کے لئے اتنی فیس نہیں ملتی، جتنی سوناکشی سنہا کو ایک آئٹم نمبر کے لئے مل رہی ہے. آپ کوجان کر حیرانی ہوگی کہ صرف ایک آئٹم سانگ کے لئے سوناکشی ڈھائی کروڑ کی موٹی رقم لے رہی ہے. سوناکشی نے نغمے کی شوٹنگ شروع کر دی ہے. نغمے کو ریمو ڈسوزا کوریو گراف کر رہے ہیں. اس گانے میں سونا کشی نے جو کپڑے پہنے ہیں، ان کی قیمت۷۵ لاکھ روپے بتائی جا رہی ہے ذرائع نے بتایا کہ اس گانے کی موسیقی ساجد واجد نے تیارکی ہے. ایسا نہیں ہے کہ سوناکشی پہلی بار اتنی موٹی رقم لے کر آئیٹم نمبر کر رہی ہیں. اس سے پہلے بھی وہ ایک آئٹم نمبر کے لئے ۶ کروڑ روپے لے چکی ہیں. فلم ساز بونی کپور نے ایک انٹرویو میں دعوی کیا ہے کہ سوناکشی کا یہ گانا اب تک کا سب سے بہترین آئٹم نمبر ثابت ہوگا. یہی نہیں انہوں نے یہاں تک کہا کہ سو ناکشی جس بھی لائیو کنسرٹ میں اس گانے پر ڈانس کریں گی وہاں دھوم مچ جائے گی۔وہیں سوناکشی سنہا نے اب تک جس بات پر خاموشی اختیارکر رکھی ہے اس پر انہوں نے اپنی خاموشی توڑ دی ہے۔اداکارہ سوناکشی سنہا ایکشن سے لے کر ہم عصر اور مختلف اسٹائل کی فلمیں کرنے کی کوشش کر چکی ہیں. وہ اب خود نوشت پر مبنی فلم کرنا چاہتی ہیں. جہانگیر آرٹ گیلری میں ۲۶سالہ سوناکشی نے کہا، “فی الحال میں سوانح عمری پر مبنی کوئی فلم نہیں کر رہی ہوں، لیکن اگر موقع ملے تو میں ایک اداکارہ کی اداکاری کرنا پسند کروں گی۔پھر چاہے وہ مدھوبالا ہوں یا مینا کماری. یا کوئی ایسا شخص ہونا چاہئے جس کا بے حد شاندار کریئر رہا ہو. انہوں نے یہاں فنکار نیرج گوسوامی کی تصاویر نمائش کا افتتاح کیادبنگ اور ‘رائوڈی راٹھورجیسی کامیاب فلمیں دے چکیں سوناکشی فی الحال ‘ایکشن جیکسن’ اورتیورکی شوٹنگ کر رہی ہیں. وہ فلم انجان بھی کر رہی ہیں. یہ ان کی پہلی تامل فلم ہے ۔