نئی دہلی(بھاشا)اپنی بالی ووڈ فلموںاوربین الاقوامی موسیقی کیریئر کے ساتھ پرینکا چوپڑا ایک ساتھ کئی کاموںمیں مصروف ہیں لیکن اداکارہ کا کہنا ہے کہ وہ کبھی بھی کام سے دور نہیں رہنا چاہتی ہیں۔ پرینکا اس سال کی اپنی پہلی ریلیز ہونے والی فلم غنڈے کی تشہیر میںمصروف ہیں اورجلد ہی وہ اپنی اگلی فلم میری کام کی شوٹنگ کرنے کا منصوبہ بنارہی ہیں اس کے علاوہ اپریل تک وہ اپنے اگلے سنگل البم کو لانے کا بھی منصوبہ بنارہی ہیں۔ ان کا کہناہیکہ مشکل کرداروں کو اداکرنے اورکئی ساری چیزوں کو ایک ساتھ کرنے میں انھیں مزہ آتاہے۔ پرینکا نے ایک انٹرویو میں بتایا کہ میںا یک طرح کا کام کرکے اوب جاتی ہوںشاید یہ میری تھوڑی بہت سرگرمیاں ہیں۔ اپنی فلموںمیں بھی میں اپنے کرداروںمیںالگ نظرآنے کی کوشش کرتی ہوںچاہے وہ اگنی پتھ ہو،برفی یا پھر غنڈے ہو مجھے مختلف قسم کے کردار پسند ہیں۔ میں اوروں کی طرح نہیںہوں میں دوسروں کے بنائے قوانی
ن پر نہیں چلتی ۔ میںا پنے قاعدے قانون خود بناتی ہوں۔ ۳۱سالہ سابق حسینہ عالم ۱۷سال کی عمر سے ہی کام کررہی ہیں انھوں نے کہا کہ گزشتہ سال میری فلم کرش ۳نے ۲۰۰کروڑکی کمائی کی تھی اوراس سے قبل میں نے برفی اوراگنی پتھ کی تھی۔مجھے لگتا ہے کہ پچھلے دوسال میرے لئے حیرت انگیز رہے تھے میرا سنگل البم ایگزاٹک بھی آیا مجھے لگتا ہے کہ کام کرنے کی میری رفتار بالکل ٹھیک ہے۔ وہیں اداکارہ کا کہنا ہیکہ غنڈے میں انھیں ارجن کپور اوررنویر سنگھ کے ساتھ کام کرکے بیحد مزہ آیا ہے ۔ پرینکا چوپڑ انے علی عباس ظفر کی ہدایت میں بنی فلم غنڈے میں ارجن کپور اوررنویر سنگھ کے ساتھ کام کیا ہے پرینکا چوپڑا نے کہاکہ ارجن کو میں کافی عرصہ سے جانتی ہوں۔ ہم جب بھی ملتے تھے کافی مستی کیا کرتے تھے۔ رنویر سنگھ سے حال ہی میںپہچان ہوئی ہے۔ دونوں اداکارکافی باصلاحیت ہے اوران کے ساتھ کام کرکے بیحد مزہ آیا۔ پرینکا چوپڑا نے کہا کہ میری پچھلے سال آئی فلم زنجیر نہیںچلی تھی لیکن کرش ۳سپرہٹ رہی تھی ۔ کرش ۳میں میراچھوٹاسا کردارتھا۔ اداکارہ کے طورپر آپ کو کامرشیل فلموںمیںکام کرنا چاہئے جو پیسے پیدا کرتی ہو لوگ مجھے کامرشیل فلموںمیں کام دینا زیادہ پسند کرتے ہیں۔ اس بات کی مجھے کوئی شکایت نہیں ہے۔ واضح رہے کہ علی عباس کی ہدایت میں بنی اورفلمساز آدتیہ چوپڑا کی فلم غنڈے کوئلہ مافیائوں کے اردگردگھومتی ہے۔ اس فلم میں پرینکا نے پہلی بار کیبرے کیا ہے۔ فلم غنڈے۱۴؍فروری کو ریلیز ہوگی۔اس کے علاوہ اداکار رنویر سنگھ ہدایت کار زویا اختر کی فلم میں پرینکا چوپڑا کے ساتھ کام کرنے جارہے ہیں ۔زویااختر ایک فلم بنانے جارہی ہیں جو بھائی بہن کے رشتوںپر مبنی ہے۔ زویا نے اس کیلئے پرینکاچوپڑااوررنویر سنگھ سے بات کی ہے اگرسب کچھ ٹھیک رہا تو پرینکا چوپڑارنویر سنگھ کی بڑی بہن کا کرداراداکرتی نظرآسکتی ہیں۔ اس فلم میں فرحان اختربھی اہم کرداراداکرتے نظرآئیںگے۔
اس فلم کیلئے رنویر سنگھ کی ماںکے کردارکیلئے شری دیوی اورمادھوری دکشت سے بات کئے جانے کا ذکر ہے۔فلم کی شوٹنگ اپریل سے شروع کی جاسکتی ہے۔
