لکھیم پور کھیری : سڑک حادثہ میں نوجوان کی موت ، ایک زخمی

لکھیم پور کھیری : تھانہ عیسیٰ نگر علاقہ میں پیلی بھیت بستی شاہراہ پر جمعہ کی شب نامعلوم گاڑی کی زد میں آکر ایک نوجوان کی موت ہوگئی جبکہ اس کا ایک ساتھی شدید طور سے زخمی ہوگیا۔

موصولہ خبر کے مطابق تھانہ عیسیٰ نگر علاقہ کے گاؤں ادلیس پور کے قریب گزشتہ شب نامعلوم گاڑی کی زد میں آکر سائیکل پر سوار چھٹن(۴۰)باشندہ گاؤن مہمد پور تھانہ تمبور ضلع سیتاپور کی موقع پر ہی موت ہوگئی جبکہ اس کا ساتھی سنجے ورما باشندہ گاؤں شمالی تھانہ تمبور شدید طور سے زخمی ہوگیا۔ حادثہ کی اطلاع ملنے کے بعد پولیس نے سنجے کو علاج کے لئے اسپتال میں داخل کرانے کے بعد لاش کو پوسٹ مارٹم کے لئے بھیج دیا ۔ حادثہ کے بعد گاڑی کا ڈرائیور موقع سے فرار ہوگیا۔