لکھنؤ : اکبر کوزبان پر بلا کی قدرت تھی۔انہوں عام بول چال کی زبان اور انگریزی کے رائج الفاظ کا اس قدربرجستہ استعمال کیا اور ان کے ذریعہ اس خوبی سے مزاح کا کام لیا کہ ان سے پہلے شاید کسی نے سوچا بھی نہ ہوگا۔ ایک بڑے طنز نگار یا مزاح نگار کی ایک لازمی صفت یہ ہے کہ اُسے اپنے میڈیم یا وسیلہ اظہار پر اتنا قابو ہو کہ وہ اس کے ان دیکھے پہلوئوں کی طرف پڑھنے والے کے ذہن کو متوجہ کرکے ایک انوکھا تاثرپیدا کرسکے۔
