ممبئی ۔ بالی ووڈ کے مسٹر پرفیکشنسٹ عامر خان اب لوگوں کو سنیما کی تاریخ پڑھانا چاہتے ہیں۔ عامر خان نے ابھی حال ہی میںایک کتاب ساگر مووی ٹون کے اجراء کے موقع پر کہا کہ میں تاریخ خاص طور پر سنیما کی تاریخ پڑھانا چاہتا ہوں۔ یہاں ہم تاریخ ، سوانح حیات کا ریکارڈ نہیں رکھ پاتے ہیں۔ اس کی کمی مجھے محسوس ہوتی ہے۔ مجے تاریخ پڑھنا بے حد پسند ہے۔ عامر خان نے کہا کہ فلمی اداکاروں کو یہ بات معلوم ہونا چاہئے کہ پہلے جوفلمیں بنی وہ کیسے بنی تھی۔ اس کے بنانے میں کیاچیلنج سامنے آئے تھے۔ کون کون سی مشکلات کاسامنا کرنا پڑا تھا۔ میں نصیر انکل سے کہاکرتا تھا کہ ایک کتاب لکھیں اور ہمیں بتائے کہ انہوں نے کس طرح کا تجربہ کیا تھا لیکن انہوںنے ایسا نہیں کیا عامر خان ان دنوں راج کمار ہیرانی کی ہدایت میں بن رہی فلم پی کے میں کام کررہے ہیں۔
