وزیر اعظم نریندر مودی کی کابینہ میں جن ارکان پارلیمنٹ نے حلف لیا ان میں امت شاہ،نتن گڈکری،ارجن رام میگھوال، پرکاش جاوڈیکر،مختار عباس نقوی، رامداس اٹھاولے، پیوش گوئل،روی شنکر پرساد، بابل سپریو، جیتندر سنگھ، نرملا سیتارمن، راؤ اندرجیت، کرن رجیجو،سریش انگاڑی،پرہالد جوشی، رام ولاس پاسوان، سنتوش گنگوار، رمیش پوکھریال، راج ناتھ سنگھ، کیلاش چودھری،گجیندر سنگھ شیخاوت، اروند ساونت، دھرمیندر پردھان،وی کے سنگھ، نریندر سنگھ تومر، سنجیو بالیان، نتیا نند رائے، اسمرتی ایرانی، پرہلاد پٹیل، سدانند گوڑا، گری راج سنگھ، ہردیپ سنگھ پوری، شریپاد یسو نائک، ڈاکٹر ہرش وردھن ڈاکٹر مہیندر ناتھ پانڈےاور ایس جے شنکر شامل ہیں۔
وزرا کو صدر جموریہ ہند رام کوند نے حلف دلوایا۔ اس تقریب میں سات ہزار سے زیادہ افراد نے شرکت کی جس میں سماج کے ہر میدان سے افراد تھے۔
وزیر اعظم نریندر مودی کی دوسری پاری میں ان کے کئی پرانے ساتھی ان کے ساتھ نہیں ہوں گے۔ حلف برداری کی تقریب میں کچھ سابق وزیر مہمانوں کے ساتھ بیٹھے نظر آئے جن میں سشما سواراج، مینکاگاندھی،منوج سنہا،انو پریا پٹیل،مہیش شرما،ستپال ملک،جے پی نڈا، جینت سنہا، راج وردھن سنگھ راٹھور، اوما بھارتی وغیرہ
یہ تصویر صاف ہو گئی ہے کہ سشما سواراج اس بر وزیر اعظم نریندر مودی کی کابینہ میں نہیں ہیں۔ اس کی بڑی وجہ ان کی صحت ہو سکتی ہے۔ اس بات کے امکان بڑھ گئے ہیں کہ جے شنکر نئے وزیر خارجہ ہوں گے۔
حلف برداری سے قبل این ڈی اے میں شگاف، جے ڈی یو اور اپنا دل مودی حکومت سے باہر
وزیر اعظم نریندر مودی کچھ ہی دیر میں دوسری مرتبہ وزیر اعظم کا حلف لیں گے لیکن اسے پہلے ہی این ڈی میں تنازعہ پیدا ہو گیا ہے، جس کی وجہ سے جے ڈی یو این ڈی اے حکومت سے بہار ہو گئی ہے۔ وہیں اپنا دل کے بھی حکومت میں شامل نہ ہونے کی اطلاع ہے۔ میڈیا رپورٹوں کے مطابق جے ڈی یو کو امید تھی کہ اس کے کوٹے سے تین وزرا کو حلف دلوایا جا ئے گا جن میں سے دو کابینہ وزیر ہوں گے اور ایک وزیر مملکت لیکن بی جے پی کی طرف سے محض ایک کابینہ وزیر بنائے جانے کی پیشکش کی گئی۔ وہیں اپنا دل کی انوپریا پٹیل کو این ڈی اے کی جانب سے فون ہی نہیں کیا گیا ہے۔
