ممبئی ۔ بالی ووڈ اداکار گووندا اور اداکارہ کرشمہ کپور کی سپرہٹ جوڑی ایک بار پھر سے ساتھ میں نظرآئے گی۔ گووندا اور کرشمہ کی سپر ہٹ جوڑی سال ۲۰۰۰ء میں آئی فلم شکاری میںایک ساتھ نظرآئی تھی اور ایک بار پھر سے یہ جوڑی ساتھ میں نظرآئے گی۔ حالانکہ یہ جوڑی کسی فلم میں نہیں بلکہ سنیل گورور کے شو میڈان انڈیا میں نظرآنے والی ہے۔ میڈان انڈیا میں مشہور اینکر منیش پال ، گووندا اور کرشمہ کپور کے ساتھ انٹرویو کریں گے۔ گووندا نے کہا کہ کرشمہ پہلے سے زیادہ خوبصورت نظرآنے لگی ہیں۔ کرشمہ اپنے کام کیلئے بے حد سنجیدہ رہتی ہیں میں نے شو میں کرشمہ کے ساتھ حسینا مان جائے گی کے موبائل نمبر والے گانے پر ڈانس کیا ہے۔ واضح رہے کہ نوے کی دہائی میں گووندا اور کرشمہ کپور کی جوڑی کامیاب جوڑی کے طور پر شمار کی جاتی تھی۔ گووندا اور کرشمہ کپور کی جوڑی والی فلموںمیں مقابلہ ، راجہ بابو ، دلارا ، خوددار ، قلعی نمبر ون ، ساجن چلے سسرال ، ہیرو نمبر ون ، حسینہ مان جائے گی وغیرہ شامل ہیں۔
