ممبئی ۔ بالی ووڈ کی اداکارہ پرنیتی چوپڑا نے کہا ہے کہ بھلے ہی انہوںنے سبھی فلموں میں پرکشش کردار ادا کئے ہیں لیکن وہ ٹائپ کاسٹ نہیں ہیں۔ ۲۰۱۱ء میں آئی فلم لیڈیز ورسیز رکی بہل سے اپنے کیر ئیر کی شروعات کرنے والی پرنیتی چوپڑا کی اب تک شودھ دیسی رومانس ، عشق زادے اور ہنسی توپھنسی جیسی فلمیں ریلیز ہوئی ہیں اور سبھی فلموں میں انہوںنے بولڈ کردار ادا کئے ہیں۔ پرنیتی نے کہا کہ میں نے جن فلموںمیں اب تک کام کیا ہے ان میں میرا کردار بھلے ہی بولڈ رہاہے لیکن سبھی فلموںمیں میرے کردار الگ الگ تھے۔ میں ٹائپڈ نہیں ہوں۔ اور سبھی فلموں میں کچھ الگ کرنے کی کوشش کرتی ہوں۔ پرنیتی چوپڑا ان دونوں حبیب فیصل کی ہدایت میں بن رہی فلم دعوت عشق میں کام کررہی ہیں۔ پرنیتی نے کہا میں نے عشق زادے میں حبیب کے ساتھ کام کیا تھا حبیب ہمیشہ میرے لئے خاص رہیں گے اس فلم میں میں انوپم کھیر اور آدتیہ رائے کپور کے ساتھ کام کررہی ہوں۔ اس فلم کی شوٹنگ تقریباً مکمل ہوچکی ہے میں انوپم کھیر کے ساتھ پھر سے فلم کرنا چاہتی ہوں۔
