رئیلٹی شو بگ باس سیزن 13 کیلئے سلمان خان نے بڑھائی اتنی زیادہ فیس ، جان کر حیران رہ جائیں گے آپ

ان دنوں رئیلٹی شو بگ باس کے تیرہویں سیزن کو لے کر طرح طرح کی خبریں گردش کررہی ہیں ۔ کبھی کنٹسٹنٹ کی فہرست لیک ہوجاتی ہے تو کبھی ہوسٹ بدلنے کی خبریں آتی ہیں ۔

وہیں حال ہی میں بگ باس کے ہوسٹ یعنی سلمان خان کی فیس کو لے کر خبریں آرہی ہیں ۔ بتایا جارہا ہے کہ سلمان خان نے اس مرتبہ اپنی فیس بڑھا دی ہے ۔ میڈیا رپورٹس کی مانیں تو اس مرتبہ سلمان خان نے اپنی فیس 100 کروڑ روپے تک بڑھادی ہے ۔ بتادیں کہ یہ سب میڈیا رپورٹس کے مطابق ہے ، اس معاملہ میں کوئی آفیشیل اعلان نہیں کیا گیا ہے۔

خیال رہے کہ سلمان خان گزشتہ 9 سالوں سے بگ باس شو کی میزبانی کررہے ہیں ۔ شو کے 13 ویں سیزن میں بھی سلمان خان ہی نظر آئیں گے ۔ میڈیا رپورٹس میں بتایا جارہا ہے کہ بگ باس 13 کیلئے سلمان خان تھوڑی بہت نہیں بلکہ 400 کروڑ کی فیس لینے والے ہیں ۔

ہر ویک اینڈ ٹی وی پر نظر آنے کیلئے سلمان خان کو تقریبا 30 کروڑ روپے ملیں گے ۔ یہ صرف دو دنوں کی فیس ہے ۔ شو 13 ہفتوں تک چلتا ہے اور سلمان خان صرف ہفتہ اور اتوار کو ویک اینڈ کا وار میں نظر آتے ہیں ۔