کبیر سنگھ کی کامیابی کے بعد شاہد نے فیس بڑھائی

ممبئی،3جولائی(یواین آئی)مشہور اداکار شاہد کپور نےفلم کبیر سنگھ کی کامیابی کے بعداپنی فیس بڑھا دی ہے اور اب وہ ایک فلم کےلئے 21کروڑ روپے کی فیس لیں گے۔

شاہد کی فلم کبیر سنگھ نے باکس آفس پر شاندار کامیابی حاصل کی ہے۔فلم باکس آٖفس پر 190کروڑ سے زیادہ کمائی کرچکی ہے۔

کبیر سنگھ کی کامیابی سے شاہد کی خوشی کا ٹھکانہ نہیں ہے۔انہوں نے کبیر سنگھ کے بلاک بسٹر ہوجانے کے بعداپنی فیس میں اضافہ کرنے کا فیصلہ کیاہے۔
پہلے وہ ایک فلم کےلئے 10 سے 12 کروڑ روپے لیاکرتےتھے،وہیں اب ایک فلم کےلئے21کروڑ روپے لیں گے۔

کبیر سنگھ کی کامیابی کے بعد انڈسٹری میں اچانک شاہد کپور کی ڈمانڈ کافی بڑھ گئی ہے۔
انہیں کافی ساری بڑی فلموں کی پیش کش ملنے لگی ہیں۔شاہد اب ایک فلم کےلئے تقریباً 21کروڑ روپے لیں گے۔
کبیر سنگھ کے پروموشن کے دوران شاہد نے بتایا تھا کہ ان کے پاس آگے کوئی اور فلم نہیں ہے۔
وہ یہ فلم کرنے کے بعد خالی ہیں۔

شاہد نے کہا تھا،’’فی الحال میرے پاس کام نہیں ہے،کیونکہ میرے پاس کرنے کےلئے کوئی بھی فلم نہیں ہے اور یہ چیز مجھے کھارہی ہے۔
مجھے نہیں پتہ ہے کہ میں آگے کیا کرنے والا ہوں،حالانکہ فلمیں کرنے کے علاوہ میرے پاس کرنے کو کئی دوسری چیزیں ہوتی ہیں۔
‘‘واضح رہے کہ کبیر سنگھ تیلگو فلم ارجن ریڈی کی ریمیک ہے۔