نیشم کے کوچ کا سپر اوور کے دوران انتقال

ویلنگٹن،18جولائی(یواین آئی)بین الاقوامی کرکٹ میں کئی ایسے موقع آتے ہیں جب مقابلے شائقین کی سانس روک دینے والے سنسنی خیزی تک پہنچ جاتے ہیں،ایسے ہی ورلڈ کپ -2019کا فائن مقابلہ بھی رہا جس کے سپراوور کے دوران نیوزی لینڈ کے آل راؤنڈر جمی نیشم کے سابق کوچ کا انتقال ہوگیا۔

نیشم کے ہائی اسکول کوچ ڈیوڈ جیمس گارڈن بھی کرکٹ کے کروڑوں مداحوں کی طرح ورلڈ کپ فائنل کے دوران زبردست سپر اوور دیکھ رہے تھے۔
لندن کے لورڈس میدان پر ہوئے اس میچ کے سپر اوور میں کیوی کھلاڑی نیشم نے اپنی ٹیم کےلئے سب سے زیادہ اسکور بھی بنایا لیکن آخر کار قسمت نے انگلینڈ کا ساتھ دیا۔