امیٹھی (بھاشا)عام آدمی پارٹی کے لیڈر کمار وشواس نے کہا ہے کہ وہ اگر امیٹھی پارلیمانی حلقہ سے کامیاب ہوجاتے ہیں تو اس علاقہ کے تمام بند کارخانوں کو دوبارہ کھلوادیں گے اور الہ آباد کے لئے براہ راست ایک ٹرین چلوائیں گے۔ امیٹھی سے پارٹی کے امیدوار کا اعلان ہونے کے بعد پریس کانفرنس سے خطاب کرتے ہوئے کمار وشواس نے کہا کہ وہ علاقہ کی ہمہ جہت ترقی کرائیں گے۔ واضح رہے کہ فی الحال اس علاقہ کی نمائندگی کانگریس پارٹی کے قومی نائ
ب صدر راہل گاندھی کرتے ہیں۔ کمار وشواس نے لوگوں سے اپیل کرتے ہوئے کہا کہ وہ امیٹھی کی ترقی کے لئے اپنے انتخابی منشور جمع کرائیں۔ انہوں نے علاقہ میں ایک اسٹیڈیم کی تعمیر اور الہ آباد کے لئے براہ راست ٹرین شروع کرانے کا وعدہ کیا۔ عاپ لیڈر نے کہا کہ وہ علاقہ کے بند کارخانوں کو دوبارہ شروع کرائیں گے۔ راہل گاندھی پر تنقید کرتے ہوئے کمار وشواس نے کہا کہ کانگریس کے رکن پارلیمنٹ نے علاقہ کے لوگوں کو بے وقوف بنایا ہے۔ انہوں نے بتایا کہ عام پارٹی کے ذریعہ ۱۸فروری کو عوامی جلسہ کا انعقاد کیا جائے گا۔
