سوربھ گانگولی کے پاس نہیں تھا اس سوال کا جواب، کہا۔ وزیر اعظم مودی سے پوچھیں

ٹیم انڈیا کے سابق کپتان اور کرکٹ کی دنیا میں دادا کے نام سے مشہور سوربھ گانگولی اب ہندستانی کرکٹ کے بی سی سی آئی صدر بن چکے ہیں۔ سوربھ گانگولی کو گزشتہ ہفتے بی سی سی آئی صدر منتخب کیا گیا اور اب 23 اکتوبر کو اپنی ذمہ داری سنبھالیں گے۔

سوربھ گانگولی نے بی سی سی آئی صدر بنتے ہی اپنا وزن سبھی کے سامنے رکھ دیا ہے۔ انہوں نے فرسٹ کلاس کرکٹ پر خاص دھیان دینے کی بات کہی ہے۔ کولکاتہ میں میڈیا سے بات چیت کے دوران ان سے ہندستان اور پاکستان کے کرکٹ سے جڑا سوال پوچھا گیا جس کا انہوں نے دلچسپ جواب دیا۔

سوربھ گانگولی نے ہندستان۔ پاکستا ن کے کرکٹ تعلقات پر سیدھا جواب دیتے ہوئے کہا کہ وزیر اعظم نریندر مودی اور پاکستان کے وزیر اعظم عمران خان ہی ان دونوں ممالک کے درمیان سیریز کا فیصلہ لے سکتے ہیں۔