ممبئی ۔ بالی ووڈ کے کنگ خان شاہ رخ خان امیتابھ بچن کی آنے والی فلم بھوتناتھ ریٹرنس میں کیمو کا کردار ادا کرتے نظرآسکتے ہیں۔ امیتابھ بچن ان دنوں اپنی آنے والی فلم بھوت ناتھ ریٹرنس کی شوٹنگ کررہے ہیں۔ یہ فلم انکی سپر ہٹ فلم بھوت ناتھ کی سیکول ہے اس فلم میں رنبیر کپور نے ایک آئٹم نمبر کیا ہے۔ بتایا جاتا ہے کہ شاہ رخ خان بھی فلم میں رخص کرتے نظرآسکتے ہیں۔ شاہ رخ نے اس سے قبل بھوت ناتھ میں بھی مہمان اداکار کے طور پر کام کیا تھا۔ بتایاجاتا ہے کہ شاہ رخ خان بھوت ناتھ ریٹرنس میں کام ضرور کریں گے لیکن امیتابھ کے ساتھ ان کا کوئی سین نہیں ہوگا حالانکہ ابھی اس بارے میں باقاعدہ تصدیق نہیں کی گئی ہے۔ واضح رہے کہ امیتابھ اور شاہ رخ نے محبتیں ، کبھی خوشی کبھی غم ، کبھی الوداع نہ کہنا جیسی سپر ہٹ فلمو ںمیں ایک ساتھ کام کیا ہے۔ اس کے علاوہ بالی وڈ کے کنگ خان شاہ رخ خان نے ملیشیا میں اپنے مداحوں کا شکریہ ادا کیا ہے۔ شاہ رخ خان ابھی حال ہی میں دو دن کیلئے ٹمپے ٹیشن ری لوڈیڈ ٹور کیلئے ملیشیا گئے تھے جہاں وہ اپنے مداحوں سے ملی محبت سے حیران رہ گئے۔ ملیشیا سے واپس آنے کے بعد شاہ رخ نے مائیکروں بلانگ سائٹ ٹوئٹر پر لکھا کہ ملیشیا تمہیں میری کمی کھلے گی۔ چوٹ کے باوجود دو دن میرے بہترین دن تھے۔ آپ کی محبت نے اسے ممکن بنایا آپ کا شکریہ واضح رہے کہ اس ٹور میں شاہ رخ خان کے علاوہ مادھوری دکشت ، رانی مکھرجی ، ہنی سنگھ اور ارجت سنگھ نے بھی حصہ لیا تھا۔ شاہ رخ خان ان دنوں فرح خان کی ہدایت میں بن رہی فلم ہپی نیو ائیر کی شوٹنگ کررہے ہیں۔ اسی فلم کی شوٹنگ کے دوران شاہ رخ خان زخمی ہوگئے تھے۔ ہپی نیوائیر میں شاہ رخ کے علاوہ دپیکا پادیکون ،ابھیشک بچن ، سونو سود اور ووین شاہ کا بھی اہم کردار ہے۔ یہ فلم دیوالی کے موقع پر ریلیز ہوگی۔
