ممبئی (وراتا) بالی ووڈ میںاپنی سنجیدہ اداکاری کیلئے مشہور ماہی گل کا کہنا ہے کہ وہ باکس آفس کے بارے میں فکر مند نہیں رہتی ہیں۔ صاحب بیوی اور گینگ اسٹر ، دیو ڈی اور گلال جیسی کئی فلموں میں اپنے سنجیدہ کردار سے ناظ
رین کا دل جیتنے والی ماہی گل کی اب گینگ آف گھوسٹ فلم ریلیزہونے جارہی ہے۔ ماہی گل نے کہا کہ میں جو بھی فلمیں کرتی ہوں وہ چھوٹے بجٹ کی ہوتی ہیں اور اس کی کمائی کیلئے فکر مند نہیں رہتی۔ ماہی گل نے کہا کہ میں جو بھی فلمیں کرتی ہوں وہ باکس آفس پر کامیاب رہتی ہیں اور ساتھ ہی ان کی ستائش بھی کی جاتی ہے۔ اس لئے میں زیادہ فکر مند نہیں رہتی ہوں۔ واضح رہے کہ ستیش کوشک کی ہدایت میں بن رہی فلم گینگ آف گھوسٹ کے فلمساز رتن جین ہیں یہ فلم بنگالی فلم بھوتر بھوشت کی ری میک ہے اس فلم میں شرمن جوشی ، ماہی گل ، میرا چوپڑا، جیکی شراف ، انوپم کھیر ،راج پال یادو اورسوربھ شکلا کا اہم کردار ہے یہ فلم اکیس مارچ کو ریلیز ہوگی اس فلم سے پرینکا چوپڑا کی بہن میرا چوپڑا بالی ووڈ میں قدم رکھ رہی ہیں۔
