فیض آباد۔(نامہ نگار)۔ مختلف تھانہ حلقوں میں پولیس کے ذریعہ ناجائز شراب کے خلاف کی گئی کارروائی میں بیس لیٹر شراب کے ساتھ تین افراد کو گرفتار کیا گیا جس میں سب انسپکٹر اودھ ناتھ یادو تھانہ حیدر گنج نے کنچن سنگھ ساکن کھجوری تھانہ حیدر گنج کے قبضہ سے پانچ لیٹر ناجائز خام شراب برآمد کر کے اسے گرفتار کر لیا۔اس سلسلہ میں تھانہ حیدر گنج میں مقدمہ درج کیا گیاہے۔ اسی طرح سب انسپکٹر عثمان خاں پٹرنگا نے جگجیون ساکن پورے کا بھگار مزرعہ پنچلو تھانہ پٹرنگا کے قبضہ سے پانچ لیٹر ناجائز خام شراب برآمد کر کے ملزم کو گرفتار کر لیا۔اس سلسلہ میں تھانہ پٹرنگا میں مقدمہ درج کیا گیاہے۔سب انسپکٹر این کے تیواری چوکی انچارج نیرن گھاٹ تھانہ کینٹ نے ملزم رتنیش ساکن راج گھاٹ تھانہ رام جنم بھومی کے قبضہ سے دس لیٹر ناجائز خام شراب برآمد کر کے اسے گرفتار کر لیا ہے۔اس سلسلہ میں تھانہ کینٹ میں مقدمہ درج کیا گیا ہے۔
