نااہل قراردیے گئے 17میں سے 16ارکان اسمبلی بی جےپی میں شامل

بنگلورو،14نومبر(یواین آئی)کرناٹک اسمبلی کے سابق اسپیکر رمیش کمار کے ذریعہ نااہل قراردیے گئے 17میں سے 16ارکان اسمبلی بھارتیہ جنتاپارٹی میں شامل ہوگئے جن میں جنتادل (سکیولر )کے سابق ریاستی صدر ایچ وشو ناتھ بھی شامل ہیں ۔
سپریم کورٹ نے کل ہی ان 17باغی ارکان اسمبلی کو نااہل قراردیے جانے کے فیصلہ کوجائز ٹھہرایاتھا،لیکن انھیں اسمبلی الیکشن لڑنے کی اجازت دیدی تھی۔

عدالت نے واضح کیاکہ پوری مدت کار کےلیے نااہل قرار دینے کا اسپیکر کا فیصلہ مناسب نہیں تھا۔سپریم کورٹ نے باغی ارکان کو اسمبلی الیکشن لڑنے کی اجازت دیدی ۔
اس موقع پر وزیراعلی بی ایس یدیورپا نے سابق ارکان اسمبلی کو یقین دہانی کراتے ہوئے کہا،’’ آپ کی قربانی رائیگاں نہیں جانے دی جائیگی اور ضمنی انتخاب کے لیے آپ کو ٹکٹ دیے جائیں گے اور آپ لوگوں کی جیت یقینی بنانے کے لیے ہرممکن مددکی جائیگی ۔‘‘