دلت خواتین کو مندر میں داخلے سے روکنے پر پجاری سمیت تین ملزمان کے خلاف مقدمہ درج

کھرگون، 03 مارچ ؛ مدھیہ پردیش میں ضلع کھرگون کے مین گاؤں تھانہ علاقہ کے تحت ٹیملا میں وقع ایک واقع مندر میں دلت خواتین کو داخل ہونے سے مبینہ طور پر روکنے کے الزام میں ایک پجاری سمیت تین افراد کے خلاف مقدمہ درج کیا گیا ہے۔

پولیس سپرنٹنڈنٹ سدھارتھ چودھری نے بتایا کہ ٹیملا کی 30 سالہ پوجا کھانڈے کی شکایت پر وہاں کے ایک مندر کے پجاری شنکر باروے، منجو بائی پاٹیدار اور ایک دیگر خاتون کے خلاف مختلف دفعات کے تحت مقدمہ درج کیا گیا ہے۔
شکایت کے مطابق، پوجا اپنی کزن نشا، سونیا اور سہیلی شیوانی کے ساتھ یکم مارچ کو مہاشیو راتری کے موقع پر پوجا کرنے کے لیے ایک مندر گئی تھیں۔