کوشامبی میں ٹرین کے آگے کود کر ادھیڑ عمر شخص کی خودکشی

کوشامبی : ضلع کے سینی علاقے میں گھریلو جھگڑوں سے عاجز آکر ایک شخص نے ٹرین کے آگے کود کر خودکشی کرلی۔پولیس ذرائع نے اتوار کو بتایا کہ گنپا گاؤں کا رام سجیون (۵۰)گھروالوں سے کسی بات پر ناراض ہوکر گھر سے ہفتے کی رات کہیں چلا گیاتھا۔

دیر رات تک واپس نہیں لوٹنے پر گھروالوں نے اس کی تلاش کی مگر مایوسی ہاتھ لگی۔ذرائع نے بتایا کہ اتوارکی صبح رام سجیون کی لاش گنپا گاؤں کے سامنے سے گزرنے والی دہلی ہائوڑہ ریلوے لائن سے پولیس نے برآمد کی ہے ۔
شبہ ہے کہ اس نے کسی ٹرین کے آگے کود کر خودکشی کرلی ہے ۔پولیس معاملہ درج کرکے جانچ کررہی ہے ۔