شمال مشرقی شام میں امریکی فوجی اڈے پر میزائل حملہ

 دمشق،  9 اکتوبر (یو این آئی) شام کے شمال مشرقی صوبے دیر الزور میں کونیکو گیس فیلڈ کے قریب واقع امریکی فوجی اڈے پر کئی میزائلوں سے حملہ کیا گیا۔ ایک ذریعہ نے اسپوتنک کو یہ اطلاع  دی۔

ذرائع نے منگل کو بتایا کہ ’’کونیکو میں امریکی فوجی اڈے پر چار میزائل داغے گئے، جس سے زور دار دھماکے ہوئے۔‘‘

ذرائع نے بتایا کہ گولہ باری کے بعد فوجی اڈے پر زبردست فائرنگ شروع ہوئی جس کے جواب میں امریکی فوج نے توپ خانے سے فائرنگ کی۔

اکتوبر 2023 میں غزہ پٹی میں تنازعہ بڑھنے کے بعد سے، عراق اور شام میں امریکی اور اتحادی افواج پر بار بار میزائلوں اور ڈرونز سے حملے کیے گئے، عراق میں اسلامی مزاحمتی تنظیم (آئی آر آئی) کے مسلح گروپوں نے ان حملوں کی ذمہ داری قبول کی۔

ملیشیاؤں کا کہنا ہے کہ امریکی اہداف پر حملے غزہ میں اسرائیلی فوجی کارروائیوں اور ان کے لیے واشنگٹن کی حمایت کے جواب میں ہیں۔