امریکی افسران وائٹ ہاؤس کے پاس ملے مشکوک پیکٹ کی جانچ کر رہے ہیں

 واشنگٹن، 10 اگست (یو این آئی) وائٹ ہاؤس کے قریب سے ملنے والے ایک مشتبہ پیکٹ کی اطلاع ملنے کے بعد امریکی ایمرجنسی افسران وائٹ ہاؤس پہنچے اور کئی داخلی راستوں کو بند کر کے مشتبہ پیکٹ کی جانچ کی۔ امریکی خفیہ سروس کے ترجمان نے اسپوتنک کو یہ اطلاع دی۔

ایمرجنسی کے حوالے سے ترجمان نے جمعہ کو کہا کہ کسی بھی مشکوک چیز کی تفتیش کے لیے یہ ایک عام بند ہے۔

ترجمان نے کہا کہ  اگر انہیں  عوام کی حفاظت کے بارے میں تشویش کا پتہ چلتا ہے تو ایک اپ ڈیٹ فراہم کی جائے گی۔

انہوں نے کہا کہ فی الحال کوئی اعلیٰ سطحی امریکی اہلکار وائٹ ہاؤس میں نہیں ہے،  صدر جو بائیڈنڈیلاویئر میں ہیں  اور نائب صدر کملا ہیرس  ایریزونا میں ہیں۔