نائجیریا میں پٹرول ٹینکر میں دھماکہ، 13 سے زیادہ افراد کی موت

ابوجہ، 24 ستمبر (اسپوتنک) نائیجیریا کی راجدھانی کوگی اسٹیٹ کے لوکجا شہر میں ایک گاڑی سے ٹکرانے کے بعد پٹرول ٹینکر میں زوردار دھماکہ ہونے سے 13 سے زیادہ لوگوں کی موت ہوگئی۔

مقامی میڈیا نے یہ اطلاع دیتے ہوئے کہا کہ یہ حادثہ بدھ کی صبح پیش آیا اور پٹرول ٹینکر میں آگ لگنے سے کم از کم 30 لوگ جھلس گئے۔ دھماکہ اتنا شدید تھا کہ وہاں کھڑی دس گاڑیوں کو بھی نقصان پہنچا۔

ایک عینی شاہد کے مطابق پٹرول ٹینکر لے جارہا ڈرائیور گاڑی پرکنٹرول کھو بیٹھا اور ٹینکر ایک گاڑی سے ٹکراگیا جس کے بعد اس میں زوردار دھماکہ ہوگیا۔

پولیس اس حادثے میں مارے گئے لوگوں کی تعداد کا پتہ لگارہی ہے۔