چٹکیوں میں بوڑھے ہوئے بالی ووڈ اداکار عامر خان، ویڈیو دیکھ کر آپ بھی ہو جائیں گے حیران

اس مرتبہ عامرآدھے گنجے عمردراز بزرگ لک میں نظر آرہے ہیں۔ یہ لک کسی فلم کیلئے نہیں بلکہ ایک ٹی وی کمرشیل کیلئے ہے۔

ٹرانسفارمیشن کے کنگ عامر خان اب اپنے نئے لک کی وجہ سے سرخیوں میں ہیں۔ اس مرتبہ وہ آدھے گنجے عمردراز بزرگ لک میں نظر آرہے ہیں۔

یہ لک کسی فلم کیلئے نہیں بلکہ ایک ٹی وی کمرشیل کیلئے ہے۔ اب ٹی وی کمرشیل تو آپ دیکھ ہی لیں گے لیکن اس کے پیچھے کتنی تیاری لگی اس کی ایک ویڈو عامر خان نے اپنے ٹویٹر اکاؤنٹ کے ذریعے شیئر کی ہے۔ اس ویڈیو کو شیئر کرتے ہوئے عامر نے لکھا، جلد آرہا ہوں آپ کے فون پے۔۔۔

در اصل عامر نے “فون پے” کیلئے ایک اشتہار شوٹ کیا ہے۔ ایسا پہلی مرتبہ نہیں ہے کہ انہوں نے ٹی وی کمرشیل کیلئے لک بدلا ہے۔ ابھی حال ہی میں وہ پنکج ترپاٹھی کے ساتھ ایک ایڈ میں گجراتی شخص کا کردار کرتے نظر آئے تھے۔ وہیں ایک مرتبہ اسٹار پلس کے اشتہار کیلئے وہ سردار بھی بن چکے ہیں۔ انہیں پرفیکشنسٹ یوں ہی کوئی کہا جاتا ہے۔ فلم ہو یا چھوٹا کمرشیل ایڈ عامر محنت اتنی ہی کرتے ہیں ۔