مرزا پور: سڑک حادثے میں دو کی موت، 3زخمی

مرزاپور:16مئی(یواین آئی) اترپردیش کے ضلع مرزا پور کے دیہات کوتوالی علاقے میں ایک پک اپ کے پلٹ جانے سے اس میں سوار ایک بچے سمیت دو لوگوں کی موت ہوگئی جبکہ دیگر تین شدید طور سے زخمی ہوگئے۔

پولیس نے بتایا کہ سونبھدر ضلع میں کرما علاقے کے سرنگا گاؤں باشندہ انوار حسین اپنے کنبے کے ساتھ پک اپ سے پڈری تھانہ علاقے کے گوپال پور گاؤں اپنے رشتے داری میں جارہے تھے کہ کرکچھا پہاڑی کے نزدیک پک اپ بے قابو ہوکر پلٹ گئی۔

اس حادثے میں زخمی افراد کو علاج کے لئے ضلع اسپتال میں داخل کرایا گیا جہاں ڈاکٹروں نے راشد(50) اور ساحل (10) کو مردہ قرار دے دیا۔