جونپور: کرنٹ لگنے سے نوجوان کی موت

جونپور: اترپردیش میں ضلع جونپور کے کُھٹہن تھانہ علاقے میں درگا پوجا کے پنڈال میں کرنٹ لگنے سے ایک نوجوان کی موت ہوگئی۔

پولیس نے پیر کو بتایا کہ کُھٹہن تھانہ علاقے کے پٹیلا بازار کے رام لکھن گپتا کا 18 سالہ بیٹا کل دیر رات درگا پوجا کے پنڈال میں ڈی جے کی لائٹ ٹھیک کررہا تھا کہ تبھی وہ اچانک کرنٹ کی زد میں آکر بری طرح جھلس گیا۔ اسے فوراً علاج کے لئے ہیتو شاہ گنج اسپتال لے جایا گیا جہاں اس کی موت ہوگئی۔
پولیس نے لاش قبضے میں لیکر پوسٹ مارٹم کے لئے بھیج دی ہے ۔