نئی دہلی : ریاست بہار میں بیف لے جانے کے الزام میں ایک شخص کو پیٹ پیٹ کر ہلاک کردیا گیا ۔ مقتول کی شناخت 47 سالہ نصیب قریشی کے طور پر کی گئی ہے ۔ یہ واقعہ رسول پور تھانہ کے یوگیا گاؤں میں /7 مارچ کو پیش آیا جبکہ زخمی کی کل موت ہوئی جس کے بعد یہ پورا معاملہ سامنے آیا ۔سیوان سے وہ جارہے تھے کہ گاؤں کے سرپنچ سمیت دیگر لوگوں نے بیف لے جانے کا الزام لگاتے ہوئے ان پر حملہ کردیا ۔ پولیس نے زخمی حالت میں انہیں صدر ہاسپٹل سیوان منتقل کیا ۔ ابتدائی علاج کے بعد انہیںبہتر علاج کے لئے پی ایم سی ایچ (پٹنہ) بھجوایا گیا جہاں وہ علاج کے دوران کل فوت ہوگئے۔
پولیس نے اس معاملہ میں سرپنچ سمیت بعض افراد کو گرفتار کرلیا ہے ۔ نصیب قریشی اپنے بھتیجے فیروز قریشی کے ساتھ مکان واپس ہورہے تھے کہ ان پر تیز دھار ہتھیاروں سے حملہ کیا گیا ۔ جن افراد کو گرفتار کیا گیا ان میں سشیل سنگھ ، روی شاہ اور اجول شرما شامل ہیں اور یہ تمام رسول پور کے جوگیا کے ساکن ہیں ۔
