تصادم کےد وران قتل کا ملزم گرفتار

جونپور: ضلع کے منگرآبادشاہ پور و پوار تھانے کی جوائنٹ پولیس ٹیم نے ایک مسلح مڈھ بھیڑ کے بعد قتل کے ملزم کو زخمی حالت میں گرفتار کرلیا ہے ۔ایس پی ڈاکٹر اجئے پال شرما نے بدھ کو بتایا کہ ایک اطلاع کی بنیاد پر پولیس نے گوونداس پور پلیا کے نزدیک گذشتہ رات ناکہ بندی کی۔

تھوڑی ہی دیر میں رام نگر مین روڈ سے مغرب کی طرف کھڑنجا پر سڑک سے تقریبا 400 میٹر کی دوری پر ایک شخص بائیک سے آتا ہوا دکھائی دیا جسے روک کر پوچھ گچھ کرنے کی کوشش تو بدمعاش نے پولیس فورس پر فائر کر فرار ہونے کی کوشش کی۔

جوابی کاروائی میں ملزم پیر میں گولی لگنے سے زخمی ہوگیا جسے پولیس نے گرفتار کرلیا۔انہوں نے بتایا کہ پوچھ گچھ میں اس نے اپنا نام امت کمار باشندہ بورا تھانہ رانی گنج ضلع پرتاپ گڑھ بتایا ہے ۔ پولیس کو اس کے قتل کے معاملے میں لمبے عرصے سے تلاش تھی۔

جامع تلاشی میں ملزم کے قبضے سے ایک طمنچہ 315 بور مع ایک کھوکھہ کارتوس پھنسا ہوا، ایک کھوکھہ کارتوس و ایک زندہ کارتوس، ایک چاقو آلہ قتل و ایک موٹر سائیکل برآمد ہوئی۔ ملزم کو علاج کے لئے اسپتال میں داخل کرایا گیا ہے ۔