اداکارہ سوناکشی سنہا نے اپنی ماں کے لیے لکھنؤ میں کی انتخابی تشہیر

بالی ووڈ اداکارہ سوناکشی سنہا آج لکھنؤ میں اپنی ماں پونم سنہا کے لیے انتخابی تشہیر کرتی ہوئی نظر آئیں۔ سماجوادی پارٹی کی طرف سے لکھنؤ پارلیمانی حلقہ کی امیدوار پونم سنہا کی ریلی میں پارٹی سربراہ اکھلیش یادو کی بیوی ڈمپل یادو بھی موجود تھیں۔

کانگریس کی سینئر لیڈر رینوکا چودھری نے الیکشن کمیشن کے ذریعہ اتر پردیش کے وزیر اعلیٰ یوگی آدتیہ ناتھ کو نوٹس بھیجے جانے پر اپنا رد عمل ظاہر کیا ہے۔ انھوں نے یوگی کے ذریعہ ایک تقریر میں ’بابر کی اولاد‘ لفظ کے استعمال کو درست نہیں ٹھہرایا اور کہا کہ یوگی جی کو چاہیے کہ وہ کوئی بھی بیان ذمہ داری کے ساتھ دیں کیونکہ وہ ایک وزیر اعلیٰ ہیں۔

Lucknow: Actor Sonakshi Sinha campaigns for mother and Samajwadi party candidate Poonam Sinha. Dimple Yadav also present pic.twitter.com/4i5da2XenQ

— ANI UP/Uttarakhand (@ANINewsUP) May 3, 2019

اترپردیش کے بریلی میں کانگریس جنرل سکریٹری پرینکا گاندھی نے کہا کہ ’’آج یو پی میں کسانوں کی کیا حالت ہے؟ اپنے آپ کو ملک کا چوکیدار کہنے والے نے کسانوں کو کھیت میں بٹھا دیا ہے چوکیداری کرنے کے لیے۔ صرف وعدے پر وعدے، جھوٹ پر جھوٹ بولا جا رہا ہے۔ صرف تشہیر ہو رہی ہے اور سچائی اس سے بالکل الگ ہے۔‘‘