بدعنوانی کے الزام میں 7 افسران برخاست

لکھنؤ:07 نومبر(یواین آئی) اترپردیش کے وزیر اعلی یوگی آدتیہ ناتھ نے بدعنوانی کے خلاف سخت رخ اپناتے ہوئے پی پی ایس کے ساتھ افسران کو برخاست کردیا۔ ان افسران کو لازمی سبکدوشی دی گئی ہے۔

اترپردیش حکومت نے بدعنوانی کے ساتھ ہی کام میں لاپرواہی پرسخت کاروائی کا عندیہ دیا ہے۔ سبھی ساتھ افراد کے خلاف جانچ میں سنگین معاملے سامنے آئے ہیں۔ ان افسران کی عمر 50سال یا اس سے زیادہ تھی۔ حکومت نے اسکروٹنی کمیٹی کی رپورٹ پر فیصلہ لیتے ہوئے ان افسروں کی سبکدوش ہونے کا حکم دے دیا۔

سرکاری ذرائع نے یہاں بتایا کہ پی اے سی کے اسسٹنٹ کمانڈنٹ ارون کمار، فیض آباد کے اڈیشنل سپرنٹنڈنٹ آف پولیس ونود کمار رانا، آگرہ کے ڈپٹی ایس پی نریندر سنگھ رانا، جھانی کے تیج ویر سنگھ یادو، مرادآباد کے ڈپیٹی ایس پی سنتوش کمار سنگھ، گونڈہ کے اسسٹنٹ کمانڈنٹ تنویر احمد کو برخاست کیا گیا ہے۔