پاکستان کے شہر لاہور میں فضائی معیار آج انتہائی مضرِ صحت ہے جہاں فضائی آلودگی کا ریکارڈ ٹوٹ گیا۔

عالمی ویب سائٹ ایئر کوالٹی انڈیکس کے مطابق لاہور آلودہ ترین شہروں کی فہرست میں آج بھی پہلے نمبر پر ہے۔

لاہور کی فضا میں آلودگی کی مقدار 1067 پرٹیکیولیٹ میٹر ریکارڈ کی گئی ہے۔

اس کے علاوہ ملتان اور اس کے گرد و نواح میں اسموگ کی شدت میں اضافہ ہو گیا ہے۔

اے کیو آئی کے مطابق آلودہ ترین شہروں کی فہرست میں بھارت کا شہر کولکتہ دوسرے اور بھارتی دارالحکومت دہلی تیسرے نمبر ہے۔

دوسری جانب رپورٹ میں کہا گیا ہے کہ لاہور میں فضائی آلودگی کا گزشتہ سالوں کا ریکارڈ بھی ٹوٹ گیا ہے۔

ماہر ماحولیات کا کہنا ہے کہ شہری موجودہ فضا میں باہر نکلنے سے گریز کریں، بچے، بزرگ اور بیمار افراد گھروں میں رہنے کو ترجیح دیں۔

ماہرِ ماحولیات کے مطابق یہ فضا شہریوں کے ساتھ چرند، پرند اور پودوں کے لیے بھی نقصان دہ ہے۔

لاہور: گرین لاک ڈاؤن بھی اسموگ میں کمی نہ لا سکا
لاہور کے 11 علاقوں میں لگنے والا گرین لاک ڈاؤن بھی اسموگ میں کمی نہ لا سکا۔