امریکا،کرائم سین پر کوریج کرنے والے رپورٹر پر فائرنگ

امریکا کی ریاست فلوریڈا میں ایک شخص نے فائرنگ کر کے خاتون کو قتل کردیا۔غیرملکی میڈیا کے مطابق ملزم نے کچھ دیر بعد اسی جگہ پر آکر واقعے کی کوریج کے لیے آنے والے نجی نیوز چینل کے رپورٹر اور کیمرا آپریٹر پر بھی فائرنگ کردی۔

رپورٹس کے مطابق ملزم کی فائرنگ سے رپورٹر ہلاک جبکہ کیمرا آپریٹر زخمی ہوگیا۔

غیرملکی میڈیا کے مطابق ملزم نے بعدازاں قریبی گھر میں گھس کر فائرنگ کر کے خاتون کو ہلاک اور اس کی بچی کو زخمی کردیا۔

پولیس حکام کے مطابق مبینہ ملزم کو گرفتار کرلیا گیا ہے جبکہ واقعےکی مزید تفتیش کی جارہی ہے۔