امیتابھ نے چھ قسم کی فطرت والے لوگوں سے دور رہنے کا مشورہ دیا

ممبئی ، 16 جولائی (یو این آئی)ہندی سنیما کے سپر اسٹار امیتابھ بچن نے چھ قسم کی فطرت والے لوگوں سے بچ کر رہنے کی اپیل کی ہے اور کہا ہے کہ حاسد، تنک مزاج اور مشکوک افراد سمیت چھ قسم کے انسان ہمیشہ اداس رہتے ہیں ۔

بگ بی کورونا وائرس سے متاثر ہیں اور علاج کے لئے اسپتال میں داخل ہونے کے باوجود وہ سوشل میڈیا پر مسلسل سرگرم ہیں۔انہوں نے اسی سلسلے میں ٹویٹ کرتے ہوئے یہ مشورہ دیا ہے۔

اس صدی کے 77 سالہ سپراسٹار امیتابھ بچن اور ان کے بیٹے اداکار ابھیشیک بچن کورونا انفیکشن سے متاثر ہیں اور دونوںہی ہفتے کی رات سے ناناوتی اسپتال میں زیرعلاج ہیں۔
ان کی بہو اداکارہ ایشوریا رائے بچن اور پوتی ارادھیہ بچن بھی کورونا انفیکشن میں مبتلا ہیں اور دونوں گھر پر ہی آئسولیشن میں ہیں۔

میگا اسٹار نے جمعرات کے روز ٹویٹر پر سنسکرت اور پھر اسے ہندی میں لکھا ’’ ایرشئی دھرنی توسنتوشٹ: کرودھنو نتیہ شڈکت:۔
پربھاگیوپجیوی چہ شڈیتے دکھ بھاگن:۔
یعنی سبھی سے حسد، نفرت کرنے والے، غیر مطمئن، تنک مزاج ، ہمیشہ مشکوک اور دوسروں پر منحصر رہنے والےیہ چھ قسم کے انسان ہمیشہ اداس رہتے ہیں۔
لہذا ان فطرتی لوگوں سے ہر ممکن حد تک گریز کرنا چاہئے ‘‘۔