غریبوں مسکینوں طلاب کی مدد کرنے والی ٹیم انڈیا زکات ڈاٹ کام بڑی محنت و لگن سے لوگوں کی خلوص و دل سے مدد کرتی آ رہی ہے۔ انڈیا زکات ڈاٹ کام کا مقصد معاشرے کے کمزور لوگوں کو سہارا دینا، روزگار فراہم کرنا، علاج میں مدد کرنا، گھر گھر جا کر راشن تقسیم کرنا، تعلیم میں مدد کرنا، پروفیشنل کورسیز میں مدد کرنا، رمضان کٹ ، ہیلتھ کٹ وغیرہ وغیرہ معاشرے کی فلاح و ترقی کے لئے پوری دنیا میں جانی اور پہچانی جاتی ہے۔ 
“اے ایم پی کی ٹیم کی انتھک محنت کے نتیجے میں، چند ہی سالوں میں انڈیا زکات اجتماعی زکات کے میدان میں ایک نمایاں مقام حاصل کر چکا ہے!”
عامر ادریسی، صدر – ایسوسی ایشن آف مسلم پروفیشنلز (اے ایم پی) انڈیا زکات ڈاٹ کام نے اپنی خدمت کے 5 کامیاب سال مکمل کر لیے ہیں، جو کمیونٹی کی فلاح و بہبود کے لیے ایک انقلابی قدم ہے۔ یہ ہندوستان کا پہلا زکات پر مبنی کراؤڈ فنڈنگ پلیٹ فارم ہے، جو ایسوسی ایشن آف مسلم پروفیشنلز (اے ایم پی) کی ایک شان دار کاوش ہے۔2020 میں رمضان سے قبل لانچ ہونے والا یہ پلیٹ فارم غریبوں اور مستحقین کے لیے امید اور ہمدردی کی ایک کرن ثابت ہوا ہے۔
اس موقع پر اے ایم پی نے جمعہ، 28 فروری 2025 کو اسلام جمخانہ، ممبئی میں ایک اجلاس کا انعقاد کیا، جس میں انڈیا زکات کی کامیابیوں کو اجاگر کیا گیا اور اس کے مؤثر استعمال پر تبادلہ خیال کیا گیا تاکہ مستحق افراد کی مزید بہتر طریقے سے مدد کی جا سکے۔
گزشتہ 5 سالوں میں انڈیا زکات نے 80,000 سے زائد عطیات کے ذریعے 23.90 کروڑ روپے جمع کیے، جس سے 7,500 سے زائد مقاصد کے تحت 40,000 سے زائد افراد اور ان کے خاندانوں کی زندگیوں میں مثبت تبدیلی آئی۔ ان مقاصد میں یتیموں اور غریب بچوں کی بنیادی تعلیم، اعلیٰ تعلیم کے مواقع، طبی اور آفات سے متعلق امداد، روزگار میں معاونت وغیرہ شامل ہیں۔
انڈیا زکات کی کامیابیوں کی تفصیلی رپورٹ پڑھیں:
www.tinyurl.com/IZCAchievements
تقریب کے نمایاں خطابات:
سابق ایم ایل اے اور اسلام جمخانہ کے صدر، ایڈووکیٹ یوسف ابراہانی نے انڈیا زکات اور اے ایم پی کے کام کو سراہتے ہوئے کہا کہ مسلم معاشرے کی فلاح و ترقی ہماری اپنی ذمہ داری ہے اور ہمیں اے ایم پی اور انڈیا زکات کی اس بہترین کاوش میں بھرپور تعاون کرنا چاہیے۔
