گھنٹہ گھر مظاہرہ معاملہ میں ایک اور گرفتاری

لکھنؤ: شہریت ترمیمی قانون (سی اے اے ) کی مخالفت میں ٹھاکر گنج کے گھنٹہ گھر پر چل رہے مظاہرہ کے معاملے میں منگل کو پولیس نے ایک اور گرفتاری کی ہے۔

اے ڈی سی پی مغربی وکاس چندر ترپاٹھی نے بتایا کہ ٹھاکر گنج پولیس نے بازار کھالہ کے بھدیواں کے رہنے والے ڈاکٹر لئیق حسن کو منگل کی دیر شام کو گرفتار کیاہے۔ لئیق حسن مظاہرہ کے معاملے میں درج دو مقدمات میں نامزد ملزم ہیں۔ گرفتار لئیق کے خلاف کارروائی کرتے ہوئے جیل بھیج دیا گیا۔

واضح ہو کہ ٹھاکر گنج میں تعینات داروغہ کیلاش نارائن ترویدی نے ۱۸ جنوری کو تھانہ میں بازار کھالہ کے رہنے والے لئیق حسن اور نسرین جاوید کے خلاف مقدمہ درج کرایا تھا۔

لئیق پر الزام تھا کہ وہ مظاہرہ کر ہی خواتین کو سی اے اے اور این آر سی کے خلاف نعرے بازی کے لئے اکسا رہے تھے۔ غور طلب ہے کہ سی اے اے کی مخالفت میں اب تک ٹھاکر گنج کوتوالی میں ۴ ؍و گومتی نگر تھانہ میں ۲ مقدمہ درج ہوئے ہیں۔ وہیں گذشتہ اتوارکو ٹھاکر گنج پولیس نے پوجا شکلا سمیت ۸ لوگوں کو گرفتار کرکے جیل بھیجا تھا۔