کینیڈا میں اسلامو فوبیا کا ایک اور واقعہ

کینیڈا کی ایک مسجد میں زبردستی گھسنے کی کوشش کرنے والے دو مشتبہ افراد کو گرفتار کرلیا گیا ہے۔اطلاعات کے مطابق کینیڈا میں اسلاموفوبیا کا ایک اور واقعہ پیش آیا ہے جس کے دوران اسلامک انسٹی ٹیوٹ آف ٹورنٹو میں افراد نے زبردستی داخل ہونے کی کوشش کی، جنہیں گرفتار کرلیا گیا۔

مقامی ذرائع کے مطابق اسکاربورو ایریا میں واقع مسجد میں 24 سالہ مرد اور 22 سالہ خاتون نے زبردستی داخل ہونے کی کوشش کی۔

دونوں مشتبہ افراد نے مسجد انتظامیہ کو خطرناک نتائج کی دھمکیاں بھی دی تھیں۔

واضح رہے کہ رواں ماہ ایک دہشتگرد نے مسلمان فیزیو تھراپسٹ سلمان، انکی والدہ، بیوی اور بیٹی کو ٹرک سے کچل دیا تھا۔ اس واقعے میں مقتول خاندان کا کمسن بیٹا زخمی ہوا تھا۔