پٹاخہ فیکٹری دھماکہ میں مزید ایک شخص کی موت

جونپور: اترپردیش کے ضلع جونپور کے مڑیاہوں تھانہ علاقے میں غیر قانونی طریقے سے چل رہی پٹاخہ فیکٹری میں 30اکتوبر کی شام ہوئے دھماکہ سے زخمی ایک خاتون کی منگل کو موت ہوجانے سے اس حادثے میں ہلاک ہونے والے افراد کی تعداد بڑھ کر اب دو ہوگئی ہے جبکہ دیگر ایک کی حالت نازک ہے۔

پولیس نے بتایا کہ علاقے کے بھنڈریا ٹولہ پاہی محلہ میں ہفتہ کوغیر قانونی فیکٹری میں ہوئے دھماکہ سے جھلسی گڑیا(28) کی منگل کو موت ہوگئی جبکہ اس کے سسر مشتاق کی حالت نازک ہے۔
اس طرح حادثے میں مہلوکین کی تعداد بڑھ کر دو ہوگئی ہے۔