مدھیہ پردیش میں بی جے پی امیدواروں کی ایک اور فہرست جاری، کیلاش وجے ورگیہ کے بیٹے کو نہیں ملا ٹکٹ

اندور-3 سیٹ سے بی جے پی کے سینئر لیڈر کیلاش وجے ورگیہ کے بیٹے آکاش وجے ورگیہ کا ٹکٹ کاٹا گیا ہے۔ ان کی جگہ راکیش گولو شکلا کو میدان میں اتارا گیا ہے۔ ایسا لگ رہا تھا کہ آکاش وجے ورگیہ کا ٹکٹ کٹ جائے گا کیونکہ پارٹی نے پہلے ہی کیلاش وجے ورگیہ کو الیکشن میں اتار دیا تھا۔

بھارتیہ جنتا پارٹی نے ہفتہ کو مدھیہ پردیش اسمبلی انتخابات کے لیے 92 امیدواروں کی فہرست جاری کی۔ سندھیا خاندان سے راجیہ سبھا کی سابق رکن پارلیمنٹ مایا سنگھ گوالیار ایسٹ سے الیکشن لڑیں گی۔ دیویندر کمار جین کو شیو پوری سے جیوترادتیہ سندھیا کی خالہ یشودھرا راجے سندھیا کی جگہ ٹکٹ دیا گیا ہے۔

یشودھرا راجے نے الیکشن لڑنے سے انکار کر دیا ہے۔ اس کے ساتھ ہی اندور-3 سیٹ سے بی جے پی کے سینئر لیڈر کیلاش وجے ورگیہ کے بیٹے آکاش وجے ورگیہ کا ٹکٹ منسوخ کر دیا گیا ہے۔ ان کی جگہ راکیش گولو شکلا کو میدان میں اتارا گیا ہے۔ ایسا لگ رہا تھا کہ آکاش وجے ورگیہ کا ٹکٹ کٹ جائے گا کیونکہ پارٹی نے پہلے ہی کیلاش وجے ورگیہ کو الیکشن میں اتار دیا تھا۔