’جب تک دوائی تک تب تک ڈھلائی نہیں‘: مودی

نئی دہلی، 8 اکتوبر (یو این آئی) وزیر اعظم نریندر مودی نے آنے والے دنوں میں تہواروں، موسم سرما اور معیشت کے حالت کے پیش نظر عالمی وبا کوڈ 19 کے خلاف تحفظ کے لئے جمعرات کے روز ایک ’عوامی تحریک‘ کا آغاز کیا۔ انہوں نے نعرہ دیا ’جب تک دوائی تک تب تک ڈھلائی نہیں‘۔

مسٹر مودی نے آج ٹویٹ کرتے ہوئے کہا ’’آیئے کرونا سے لڑنے کے لئے متحد ہوں! ہمیشہ یاد رکھیں، ماسک پہنیں۔ اپنے ہاتھوں کو صاف رکھیں۔ سوشل ڈسٹنسنگ پر عمل کریں۔ دو گز کی دوری رکھیں‘‘۔ انہوں نے لکھا ’’جب تک دوائی تک تب تک ڈھلائی نہیں‘‘۔

ایک دیگر ٹویٹ میں وزیر اعظم نے لکھا ’’ملک میں کووڈ ۔19 کے خلاف جنگ لوگوں کے ذریعے لڑی جارہی ہے اور ہمارے کورونا جنگجوؤں کو اس سے بہت زیادہ طاقت ملتی ہے۔ ہماری اجتماعی کوششوں سے بہت سی زندگیاں بچانے میں مدد ملی ہے۔ ہمیں اس لڑائی کو جاری رکھنا ہوگا اور ہمارے شہریوں کو وائرس سے بچانا ہوگا‘‘۔

قبل ازیں اطلاعات و نشریات کے مرکزی وزیر پرکاش جاؤڈیکر نے بدھ کے روز کہا تھا کہ کورونا سے دفاع کا ہتھیار ماسک پہننا، معاشرتی فاصلے پر عمل کرنا اور بار بار ہاتھ دھونا ہے۔ اس اصول کے بعد عوامی مقامات پر ان اقدامات کے بارے میں بیدار پھیلانے کی مہم چلائی جائے گی۔