نائجیریا میں مسلح افراد کے حملے میں 10 افراد ہلاک

ابوجا، 6 نومبر؛ نائجیریا کے شمال مغربی صوبے کدونا کے دو دیہاتوں میں مسلح افراد کے الگ الگ حملوں میں کم از کم 10 افراد ہلاک ہو گئے ہیں۔

صوبائی حکومت کی طرف سے جاری کردہ ایک بیان کے مطابق جنگو کاتف کے علاقے میں واقع یگبک اور اُنگوان روہوگو دیہات پر جمعہ کے روز علی الصبح نامعلوم مسلح افراد نے حملہ کیا۔ اس حملے میں 10 افراد ہلاک اور کچھ زخمی ہوئے تھے۔

حملہ آوروں نے کئی گھروں میں توڑ پھوڑ بھی کی۔
ایک عینی شاہد نے بتایا کہ مسلح افراد، جن کے وہاں موجود ہونے کا شبہ ہے، بڑی تعداد میں موٹر سائیکلوں پر دیہات میں پہنچے اور مکینوں پر فائرنگ کی، گھروں کو آگ لگا دی۔
صوبائی حکومت نے حملوں کی تحقیقات اور متاثرین کو امدادی سامان فراہم کا حکم دیا ہے ۔