نائیجیریا میں کم از کم 30 افراد کا اغوا

ابوجا، 21 اکتوبر ؛ نائیجیریا کی ریاست نائیجر میں مسلح مجرموں کے ایک گروپ نے ایک سڑک پر کم از کم 30 افراد کا اغوا کر لیا ہے۔چینل ٹیلی ویژن براڈکاسٹر کی رپورٹ کے مطابق شہریوں کا اغوا ایک بس اور دو دیگر گاڑیوں میں سے کیا گیا ہے۔

مجرموں نے لوگوں کو اغوا کرنے سے پہلے مقامی باشندوں کو ڈرانے دھمکانے کے لیے کئی بار سڑک پر فائرنگ کی تھی۔
نائیجیریا کئی جرائم پیشہ گروہوں اور بوکو حرام کے دہشت گردوں کی سرگرمیوں کی وجہ سے گزشتہ کئی سالوں سے عدم استحکام اور
تشدد کا سامنا کر رہا ہے۔ نائیجیریا کا شمالی حصہ اس بحران سے سب سے زیادہ متاثر ہے۔